Bitki Mühafizə və Texniki Bitkilər ETİ-də növbəti təlim professor İbrahim Cəfərovun təqdimatında baş tutub. “Fitopatogen göbələklər kənd təsərrüfatı bitkilərinin xəstəlik törədiciləridir” mövzusunda keçirilən təlim əyani və onlayn formatda təşkil olunub.

Kənd təsərrüfatı sahəsində müasir yanaşmaların və elmi biliklərin tətbiqinin genişləndirilməsi məqsədilə keçirilən təlimdə fitopatogen göbələklərin yayılma yolları, onların bitkilərə vurduğu zərər və effektiv mübarizə üsulları haqqında ətraflı məlumat verilib.

Bundan əlavə, müasir biotexnoloji və aqrokimyəvi metodların tətbiqi ilə bağlı vacib tövsiyələr səsləndirilib, fitopatogen göbələklərlə mübarizədə inteqrir yanaşmanın əhəmiyyəti vurğulanaraq, bu sahədə yeni elmi nailiyyətlər və praktiki həll yolları barədə müzakirələr aparılıb.